ಶಿವಮೊಗ್ಗ: ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷರಾದ ಹೆಚ್ ಎಸ್ ಸುಂದರೇಶ್‍ರವರ ಹುಟ್ಟುಹಬ್ಬ ಸೆಪ್ಟಂಬರ್ 17 ರಂದು ಇದ್ದು ಈ ಪ್ರಯುಕ್ತ ಸೆ. 18 ರಂದು ಇಡೀ ದಿನ ಪ್ರತಿಷ್ಟಿತ ಆಸ್ಪತ್ರೆಗಳ ವತಿಯಿಂದ ಸರ್ವಧಾರ ಫೌಂಡೇಷನ್ ಅಡಿಯಲ್ಲಿ ಬೃಹತ್ ಉಚಿತ ಆರೋಗ್ಯ ಶಿಬಿರವನ್ನು ಕುವೆಂಪು ರಸ್ತೆಯಲ್ಲಿರುವ ಆದಿಚುಂಚನಗಿರಿ ಶಾಲೆಯಲ್ಲಿ ಹಮ್ಮಿಕೊಳ್ಳಲಾಗಿದೆ.
ಆನಪರ ಕಾರ್ಯಕ್ರಮಗಳ ಮೂಲಕ ಮನೆ ಮಾತಾಗಿರುವ ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಹೆಚ್ ಎಸ್ ಸುಂದರೇಶ್ ರವರ ಜನ್ಮ ದಿನಾಚರಣೆಯನ್ನು ವಿಷೇಷ ರೀತಿಯಲ್ಲಿ ಆಚರಿಸಲು ನಿರ್ಧರಿಸಿದ್ದು ಈ ಹಿನ್ನಲೆಯಲ್ಲಿ ಬೃಹತ್ ಆರೋಗ್ಯ ಶಿಬಿರವನ್ನು ಹಮ್ಮಿಕೊಳ್ಳಲಾಗಿದೆ.ಈ ಆರೋಗ್ಯ ಶಿಬಿರವನ್ನು ಪ್ರತಿಷ್ಟಿತ ಆಸ್ಪತ್ರೆಗಳ ನುರಿತ ವೈದ್ಯರ ತಂಡ ನಡೆಸಿಕೊಡಲಿದೆ.ಈ ಶಿಬಿರವು ಸೆ. 18 ರ ಬೆಳಿಗ್ಗೆ 9 ರಿಂದ ಸಂಜೆ 4 ಗಂಟೆಯವರೆಗೆ ನಡೆಯಲಿದೆ.
ಈ ಆರೋಗ್ಯ ಶಿಬಿರದಲ್ಲಿ ಹೃದಯ ತಪಾಸಣೆ ಮೂತ್ರಪಿಂಡದ ತಪಾಸಣೆ ಮಕ್ಕಳ ಆರೋಗ್ಯ ತಪಾಸಣೆ ದಂತ ತಪಾಸಣೆ ಕಣ್ಣು ಕಿವಿ ಮೂಗಿನ ತಪಾಸಣೆ ಮೂಳೆ ತಪಾಸಣೆ ಚರ್ಮರೋಗ ತಪಾಸಣೆ ಸ್ತ್ರೀ ರೋಗ ತಪಾಸಣೆ ಬಿಪಿ ಹಾಗು ಸಕ್ಕರೆ ಕಾಯಿಲೆ ತಪಾಸಣೆ ಇಸಿಜಿ ಇಕೊ ನರರೋಗ ತಪಾಸಣೆ ಹಾಗೂ ಜನರಲ್ ತಪಾಸಣೆಗಳು ಸೇರಿದಂತೆ ವಿವಿಧ ಸೇವೆಗಳು ಈ ಶಿಬಿರದಲ್ಲಿರುತ್ತವೆ.
ಈ ಶಿಬಿರದಲ್ಲಿ ರಕ್ತದಾನದ ವ್ಯವಸ್ಥೆಯನ್ನು ಕೂಡ ಮಾಡಲಾಗಿದ್ದು ಇಲ್ಲಿ ರಕ್ತದಾನ ಮಾಡುವವರಿಗೆ ಉಚಿತವಾಗಿ ಆರೋಗ್ಯ ಕಾರ್ಡ ವಿತರಣೆ ಕೂಡ ಹಮ್ಮಿಕೊಳ್ಳಲಾಗಿದೆ.ಈ ಶಿಬಿರದ ಸದುಪಯೋಗ ಪಡೆದುಕೊಳ್ಳಬೇಕೆಂದು ಸರ್ವಧಾರ ಫೌಂಡೇಶನ್ ಸಾರ್ವಜನಿಕರಲ್ಲಿ ವಿನಂತಿಸಿಕೊಂಡಿದೆ.