ಶಿವಮೊಗ್ಗ, ಆಗಸ್ಟ್ 17, : ಕೇಂದ್ರ ಸಂವಹನ ಇಲಾಖೆ, ಶಿವಮೊಗ್ಗ ವತಿಯಿಂದ ಮೆಗ್ಗಾನ್ ಆಸ್ಪತ್ರೆ (ಮಕ್ಕಳ ವಿಭಾಗ) ಆವರಣದಲ್ಲಿ ದಿ: 16-08-2023 ರಂದು ಯೋಗ ಮತ್ತು ಲಸಿಕೆ ಕುರಿತಾದ ಫೋಟೋ ಬೂತ್ ತೆರೆಯಲಾಗಿದೆ.
ಈ ಬೂತ್‍ನಲ್ಲಿ ಆಸ್ಪತ್ರೆಯ ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ.ಸಿದ್ದನಗೌಡ ಪಾಟೀಲ್ ರವರು ಫೋಟೋ ತೆಗೆದುಕೊಂಡು, ಮಾತನಾಡಿದರು.
ಈ ಯೋಗ ಮತ್ತು ಲಸಿಕೆ ಫೋಟೋ ಬೂತ್‍ನ ಮಾದರಿಯನ್ನು ನಮ್ಮ ಮೆಗ್ಗಾನ್ ಆಸ್ಪತ್ರೆ ಆವರಣದಲ್ಲಿ ಕೇಂದ್ರ ಸಂವಹನ ಇಲಾಖೆಯ ವತಿಯಿಂದ ಹಾಕಿರುವುದು ಬಹಳ ಉಪಯುಕ್ತವಾಗಿದೆ. ಏಕೆಂದರೆ ನಮ್ಮ ಆಸ್ಪತ್ರೆಗೆ ಸುತ್ತಮುತ್ತಲಿನ ಸುಮಾರು ಆರು ಜಿಲ್ಲೆಗಳಿಂದ ಜನರು ಬರುತ್ತಾರೆ. ಬಂದಂತಹ ಎಲ್ಲರೂ ಕೂಡ ಒಂದು ಫೋಟೋ ಕ್ಲಿಕ್ಕಿಸಿ ವಾಟ್ಸಾಪ್ ಸ್ಟೇಟಸ್, ಫೇಸ್ಬುಕಗಳಂತಹ ಸಾಮಾಜಿಕ ಜಾಲ ತಾಣಗಳಲ್ಲಿ ಹಂಚುವ ಮೂಲಕ ಯೋಗ ಮತ್ತು ಲಸಿಕೆ ಮಹತ್ವವನ್ನು ಇತರರಿಗೆ ತಿಳಿಸಿ ಸ್ಪೂರ್ತಿಯಾಗಿರಿ ಎಂದು ಹೇಳುತ್ತಾ ಈ ಫೋಟೋ ಬೂತ್ ಭಾನುವಾರದವರೆಗೆ ಇಲ್ಲಿ ಇರುತ್ತದೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಆಸ್ಪತ್ರೆ ವೈದ್ಯಕೀಯ ಅಧೀಕ್ಷಕ ಡಾ.ತಿಮ್ಮಪ್ಪ , ಆಸ್ಪತ್ರೆಯ ಸಿಬ್ಬಂದಿಗಳು ಹಾಗೂ ಸಾರ್ವಜನಿಕರು ಹಾಜರಿದ್ದರು.
