ಶಿವಮೊಗ್ಗ: ಗೃಹಶೋಭೆ ಅಂತಾರಾಷ್ಟ್ರೀಯ ಗೃಹಬಳಕೆ ವಸ್ತುಗಳ ಅತಿದೊಡ್ಡ ಪ್ರದರ್ಶನವನ್ನು ನಗರದ ಹಳೇ ಜೈಲು ರಸ್ತೆಯ ಫ್ರೀಡಂಪಾರ್ಕ್ ಮೈದಾನದಲ್ಲಿ ಆಯೋಜಿಸಿದ್ದು ವಿನೂತನ ವಸ್ತುಪ್ರದರ್ಶನ ಡಿ.12ರವರೆಗೆ ಬೆಳಗ್ಗೆ 11ರಿಂದ ರಾತ್ರಿ 9ರವರೆಗೆ ನಡೆಯಲಿದೆ.
ಭೂಮಿಯಾಚೆಗಿನ ಪಯಣದಲ್ಲಿನ ಅನ್ಯಗ್ರಹ ಜೀವಿಗಳ ಪ್ರತಿಕೃತಿಯನ್ನು ನೀವು ನೋಡಬಹುದು. ನೆನಪಿಗಾಗಿ ಸೆಲ್ಫಿ ಕ್ಲಿಕ್ಕಿಸಬಹುದು. ಅಂತಹ ಏಲಿಯನ್ಸ್ ಶೋ ಈ ವಸ್ತು ಪ್ರದರ್ಶನ ಮೇಳದ ವಿಶೇಷ ಆಕರ್ಷಣೆಯಾಗಿದೆ.
ವಿವಿಧ ಬಗೆಯ ಪೀಠೋಪಕರಣಗಳು, ಎಲೆಕ್ಟ್ರಾನಿಕ್ ಉಪಕರಣಗಳು, ಮಿಕ್ಸರ್, ಗ್ರೈಂಡರ್ಸ್‌, ರೆಫ್ರಿಜರೇಟರ್ಸ್‌, ಜ್ಯೂಸರ್ಸ್, ವಾಟರ್ ಪ್ಯೂರಿಫೈಯರ್ಸ್‌, ತರಕಾರಿ ಹೆಚ್ಚುವ ಉಪಕರಣಗಳಂತಹ ಗೃಹಬಳಕೆ ವಸ್ತುಗಳ ಜತೆಗೆ ಹೇರ್ ಡ್ರೈಯರ್ಸ್‌, ಹೇರ್ ಸ್ಟ್ರೈಟ್ನರ್ಸ್‌, ಬಾಡಿ ಮಸಜರ್ಸ್‌ ಮತ್ತು ಸೋಲಾರ್ ಉತ್ಪನ್ನಗಳು ಹಾಗೂ ಮುಂತಾದ ಅತ್ಯುಪಯುಕ್ತ ವಸ್ತುಗಳನ್ನು ಹೊಂದಿದ್ದು ಗ್ರಾಹಕರಿಗೆ ಸ್ವರ್ಗವಾಗಿದೆ.
ರುಚಿಕರ ತಿಂಡಿ ತಿನಿಸುಗಳ ಸ್ಟಾಲ್‌ಗಳು ಈ ಗೃಹಶೋಭೆಯ ಮತ್ತೊಂದು ಆಕರ್ಷಣೆ. ಶಿವಮೊಗ್ಗದ ಎಲ್ಲ ಜನತೆಯು ಹೆಚ್ಚಿನ ಸಂಖ್ಯೆಯಲ್ಲಿ ಗೃಹಶೋಭೆಗೆ ಭೇಟಿ ನೀಡಬಹುದು. 10 ದಿನಗಳ ಗ್ರಾಹಕರ ಮೇಳವನ್ನು ಶುಕ್ರವಾರ ಮಾಜಿ ಸಚಿವ ಕೆ.ಎಸ್.ಈಶ್ವರಪ್ಪ ಅವರು ಉದ್ಘಾಟಿಸಿದರು. ಸೂಡಾ ಅಧ್ಯಕ್ಷ ಎನ್.ಜಿ.ನಾಗರಾಜ್ ಮತ್ತು ಸೈಮನ್ ಎಕ್ಸಿಬಿಟರ್ಸ್‌ ನಿರ್ದೇಶಕ ನಾಗಚಂದ್ರ ಉಪಸ್ಥಿತರಿದ್ದರು.