ಹಿಂದೂಗಳ ಪವಿತ್ರ ಹಬ್ಬಗಳಲ್ಲಿ ಪ್ರಮುಖವಾದ “ಮಹಾಶಿವರಾತ್ರಿ” ಹಬ್ಬದ ಅಂಗವಾಗಿ ಶಿವಮೊಗ್ಗ ನಗರ ವ್ಯಾಪ್ತಿಯಲ್ಲಿರುವ ಪ್ರಮುಖ ಶಿವಾಲಯ ದೇವಸ್ಥಾನಗಳಿಗೆ ಬರುವಂತಹ ಭಕ್ತಾದಿಗಳಿಗೆ ಸುಮಾರು ಒಂದು ಲಕ್ಷ “ರುದ್ರಾಕ್ಷಿ” ಗಳನ್ನು ವಿತರಿಸಲು ಶ್ರೀ ಬಸವೇಶ್ವರ ವೀರಶೈವ ಸಮಾಜ ಸೇವಾ ಸಂಘ(ರಿ.)ದ ಅಧ್ಯಕ್ಷರು ಹಾಗೂ ಬಿಜೆಪಿ ಮುಖಂಡರಾದ ಶ್ರೀ ಎಸ್.ಎಸ್. ಜ್ಯೋತಿಪ್ರಕಾಶ್ ಅವರು ತೀರ್ಮಾನಿಸಿದ್ದು, ಇಂದು ನಗರದ ಶ್ರೀ ಭೀಮೆಶ್ವರ ದೇವಸ್ಥಾನದಲ್ಲಿ “ರುದ್ರಾಕ್ಷಿ” ಗಳಿಗೆ ವಿಶೇಷ ಪೂಜೆ ನೆರವೇರಿಸಿ ಸಾಂಕೇತಿಕವಾಗಿ ರುದ್ರಾಕ್ಷಿಗಳನ್ನು ಭಕ್ತರಿಗೆ ವಿತರಣೆ ಮಾಡಿದರು.

ಈ ಸಂದರ್ಭದಲ್ಲಿ ಮಹಾನಗರ ಪಾಲಿಕೆ ಸದಸ್ಯರಾದ ಶ್ರೀ ಪ್ರಭಾಕರ್ ಅವರು, ವಿಶ್ವ ಹಿಂದೂ ಪರಿಷತ್ ಪ್ರಮುಖರಾದ ಶ್ರೀ ದಿನದಯಾಳ ಅವರು, ವೀರಶೈವ ಲಿಂಗಾಯತ ಸಂಘಟನಾ ವೇದಿಕೆ ಪ್ರಮುಖರಾದ ಶ್ರೀ ಧನರಾಜ್ ಅವರು, ಶ್ರೀ ಶಿವರಾಜ ಅವರು, ಶ್ರೀ ಉಮೇಶ್ ಅವರು, ಪ್ರಮುಖರಾದ ಶ್ರೀ ಎಸ್.ಎಸ್. ಸತೀಶ್ ಅವರು, ಶ್ರೀ ಸತೀಶ್ ಗಾಂಧಿ ಅವರು, ಶ್ರೀ ದಿನೇಶ್ ಅವರು, ಶ್ರೀ ಪರಿಸರ ನಾಗರಾಜ್ ಅವರು, ಶ್ರೀ ಕೋಟೆ ರಾಜು ಅವರು, ಶ್ರೀ ಎಸ್.ಕೆ. ರಾಘವೇಂದ್ರ ಅವರು, ಶ್ರೀ ದುಮ್ಮಳ್ಳಿ ಚೇತನ್ ಅವರು, ಶ್ರೀ ತೇಜಸ್ವಿ ಅವರು, ಶ್ರೀ ಧ್ರುವ ಅವರು ಸೇರಿದಂತೆ ಪಕ್ಷದ ಅನೇಕ ಕಾರ್ಯಕರ್ತರು ಹಾಗೂ ಅನೇಕ ಗಣ್ಯರು ಉಪಸ್ಥಿತರಿದ್ದರು.