‘ನನ್ನ ಮತ ನನ್ನ ಭವಿಷ್ಯ’ ರಾಷ್ಟ್ರೀಯ ಮತದಾರರ ಜಾಗೃತಿ ಸ್ಪರ್ಧೆಗಳು

ಶಿವಮೊಗ್ಗ, ಫೆಬ್ರವರಿ 23 : 2022 ರ ರಾಷ್ಟ್ರೀಯ ಮತದಾರರ ದಿನಾಚರಣೆಯ ಸಂದರ್ಭದಲ್ಲಿ ಭಾರತದ ಚುನಾವಣಾ ಆಯೋಗವು ‘ನನ್ನ ಮತ ನನ್ನ ಭವಿಷ್ಯ-ಒಂದು ಮತದ ಶಕ್ತಿ’ ಎಂಬ ಘೋಷವಾಕ್ಯದಡಿ ಸೃಜನಶೀಲ ಅಭಿವ್ಯಕ್ತಿಯ ಮೂಲಕ ಪ್ರತಿ ಮತದ ಮಹತ್ವವನ್ನು ಪುನರುಚ್ಚರಿಸಲು ರಾಷ್ಟ್ರೀಯ ಮತದಾರರ ಜಾಗೃತಿ ಸ್ಪರ್ಧೆಯನ್ನು ಸ್ವೀಪ್ ಕಾರ್ಯಕ್ರಮದ ಮೂಲಕ ಪ್ರಾರಂಭಿಸಿದೆ.
       ಭಾರತದ ಚುನಾವಣಾ ಆಯೋಗವು ಎಸ್‍ವಿಇಇಪಿ (SVEEP-Systematic Voters Education and Electoral Participation)  ಕಾರ್ಯಕ್ರಮದ ಮೂಲಕ ರಾಷ್ಟ್ರೀಯ ಮತದಾರರ ಜಾಗೃತಿ ಸ್ಪರ್ಧೆಯು ಜನರ ಪ್ರತಿಭೆ ಮತ್ತು ಸೃಜನಶೀಲತೆಯನ್ನು ಹೊರಹೊಮ್ಮುವಂತೆ ಮಾಡುತ್ತದೆ ಮತ್ತು ಅವರ ಸಕ್ರಿಯ ಒಳಗೊಳ್ಳುವಿಕೆಯ ಮೂಲಕ ಪ್ರಜಾಪ್ರಭುತ್ವವನ್ನು ಬಲಪಡಿಸುತ್ತದೆ.
    ಈ ಸ್ಪರ್ಧೆಗಳಲ್ಲಿ ಎಲ್ಲ ವಯೋಮಾನದವರೂ ಭಾಗವಹಿಸಬಹುದಾಗಿರುತ್ತದೆ. ಸ್ಪರ್ಧೆಯು ರಸಪ್ರಶ್ನೆ ಸ್ಪರ್ಧೆ, ಘೋಷವಾಕ್ಯ ಬರೆಯುವ ಸ್ಪರ್ಧೆ, ಗಾಯನ ಸ್ಪರ್ಧೆ, ವೀಡಿಯೊ ತಯಾರಿಕೆ ಸ್ಪರ್ಧೆ ಮತ್ತು ಭಿತ್ತಿಚಿತ್ರ ವಿನ್ಯಾಸ ಸ್ಪರ್ಧೆ ಒಟ್ಟು ಐದು ವಿಭಾಗಗಳನ್ನು ಹೊಂದಿದ್ದು ಮಾರ್ಚ್ 15 ರವರೆಗೆ ಅಭ್ಯರ್ಥಿಗಳಿಂದ ನಮೂದುಗಳನ್ನು ಸ್ವೀಕರಿಸಲಾಗುತ್ತದೆ. ಸಾಂಸ್ಥಿಕ ಸಂಸ್ಥೆಗಳ ವರ್ಗ, ವೃತ್ತಿಪರ ವರ್ಗ ಮತ್ತು ಹವ್ಯಾಸಿ ವರ್ಗದವರು ಈ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು.
      ಸಾಂಸ್ಥಿಕ ಸಂಸ್ಥೆಗಳ ವರ್ಗ ಎಂದರೆ ಶಿಕ್ಷಣ ಸಂಸ್ಥೆಗಳಾದ ಶಾಲೆಗಳು, ಕಾಲೇಜುಗಳು, ವಿಶ್ವವಿದ್ಯಾನಿಲಯಗಳು ಸಂಬಂಧಿತ ಕೇಂದ್ರ ಅಥವಾ ರಾಜ್ಯ ಸರ್ಕಾರದ ಕಾಯಿದೆ ಅಡಿಯಲ್ಲಿ ನೋಂದಾಯಿಸ್ಪಟ್ಟಿರುವ ಇತರೆ ಸಂಸ್ಥೆಗಳು, ವೃತ್ತಿಪರ ವರ್ಗ  ಎಂದರೆ ವೀಡಿಯೊ ತಯಾರಿಕೆ/ಭಿತ್ತಿಚಿತ್ರ ವಿನ್ಯಾಸ/ಗಾಯನ ಅಥವಾ ಯಾವುದೇ ರೂಪದಲ್ಲಿ ಕೆಲಸ ಮಾಡುವ ಮೂಲಕ ಜೀವನೋಪಾಯದ ಮುಖ್ಯ ಮೂಲವಾಗಿರುವ ವ್ಯಕ್ತಿಯನ್ನು ವೃತ್ತಿಪರ ಎಂದು ಪರಿಗಣಿಸಲಾಗುತ್ತದೆ. ಭಾಗವಹಿಸುವವರು ವೃತ್ತಿಪರ ವಿಭಾಗದಲ್ಲಿ ಸಾಕ್ಷ್ಯ ನೀಡಲು ಪ್ರಮಾಣ ಪತ್ರವನ್ನು ಸಲ್ಲಿಸಬೇಕು. ಹಾಗೂ ಹವ್ಯಾಸಿ ವರ್ಗ ಎಂದರೆ ಸೃಜನಾತ್ಮಕ ಪ್ರಚೋದನೆಗಾಗಿ ವೀಡಿಯೊ ತಯಾರಿಕೆ, ಭಿತ್ತಿಚಿತ್ರ ವಿನ್ಯಾಸ/ಗಾಯನ ಹವ್ಯಾಸವಾಗಿ ಮಾಡಿಕೊಂಡಿರುವ ವ್ಯಕ್ತಿಯನ್ನು ‘ಹವ್ಯಾಸಿ’ ಎಂದು ಪರಿಗಣಿಸಲಾಗುತ್ತದೆ.
       ಗಾಯನ ಸ್ಪರ್ಧೆ, ವಿಡಿಯೋ ಮೇಕಿಂಗ್ ಸ್ಪರ್ಧೆ ಮತ್ತು ಭಿತ್ತಿಚಿತ್ರ ವಿನ್ಯಾಸ ಸ್ಪರ್ಧೆಗಳನ್ನು ಮೂರು ವಿಭಾಗಗಳಾಗಿ ವರ್ಗೀಕರಿಸಲಾಗಿದೆ. ಸಾಂಸ್ಥಿಕ, ವೃತ್ತಿಪರ ಮತ್ತು ಹವ್ಯಾಸಿ. ಪ್ರತಿ ವಿಭಾಗದಲ್ಲಿ ಅಗ್ರ ಮೂರು ವಿಜೇತರಿಗೆ ಅತ್ಯಾಕರ್ಷಕ ನಗದು ಬಹುಮಾನಗಳನ್ನು ನೀಡಲಾಗುವುದು. ಹೆಚ್ಚುವರಿಯಾಗಿ, ಪ್ರತಿ ವಿಭಾಗವು ವಿಶೇಷ ಉಲ್ಲೇಖದ ವರ್ಗದ ಅಡಿಯಲ್ಲಿ ನಗದು ಬಹುಮಾನಗಳನ್ನು ಹೊಂದಿರುತ್ತದೆ. ಸಾಂಸ್ಥಿಕ ವರ್ಗವು 4 ವಿಶೇಷ ಉಲ್ಲೇಖಗಳನ್ನು ಹೊಂದಿರುತ್ತದೆ ಮತ್ತು ವೃತ್ತಿಪರ ಮತ್ತು ಹವ್ಯಾಸಿ ವರ್ಗವು ತಲಾ 3 ವಿಶೇಷ ಉಲ್ಲೇಖಗಳನ್ನು ಹೊಂದಿರುತ್ತದೆ.
    ವಿವಿಧ ವಿಭಾಗಗಳಲ್ಲಿನ ನಮೂದುಗಳನ್ನು ಭಾರತದ ಚುನಾವಣಾ ಆಯೋಗವು ರಚಿಸುವ ತೀರ್ಪುಗಾರರ ಮೂಲಕ ನಿರ್ಣಯಿಸಲಾಗುತ್ತದೆ. ನಮೂದುಗಳ ಮರು-ಮೌಲ್ಯಮಾಪನದ ಹಕ್ಕುಗಳಿಗೆ ಸಂಬಂಧಿಸಿದ ಯಾವುದೇ ವಿನಂತಿಗಳನ್ನು ಪರಿಗಣಿಸಲಾಗುವುದಿಲ್ಲ.
ವಿಶೇಷ ಬಹುಮಾನಗಳು:- ಯಾವ ಜಿಲ್ಲೆಯಿಂದ ಎಲ್ಲಾ 05 ಸ್ಪರ್ಧೆಗಳನ್ನು ಒಳಗೊಂಡಂತೆ ಅತಿ ಹೆಚ್ಚು ಸ್ಪರ್ಧಿಗಳು ಭಾಗವಹಿಸುತ್ತಾರೋ ಅಂತಹ ಜಿಲ್ಲೆಗಳಿಗೆ 1ನೇ, 2ನೇ ಮತ್ತು 3ನೇ ಬಹುಮಾನ ನೀಡಲಾಗುವುದು ಮತ್ತು ಪ್ರಮಾಣ ಪತ್ರ ನೀಡಲಾಗುವುದು. ಯಾವ ತಾಲ್ಲೂಕಿನಿಂದ ಎಲ್ಲಾ 05 ಸ್ಪರ್ಧೆಗಳನ್ನು ಒಳಗೊಂಡಂತೆ ಅತಿ ಹೆಚ್ಚು ಸ್ಪರ್ಧಿಗಳು ಭಾಗವಹಿಸುತ್ತಾರೋ ಅಂತಹ ತಾಲ್ಲೂಕುಗಳಿಗೆ 1ನೇ, 2ನೇ ಮತ್ತು 3ನೇ ಬಹುಮಾನ ನೀಡಲಾಗುವುದು ಮತ್ತು ಪ್ರಮಾಣ ಪತ್ರ ನೀಡಲಾಗುವುದು. ಯಾವ ಮತದಾರ ಸಾಕ್ಷರತಾ ಸಂಘ(ELC)ದಿಂದ 05 ಸ್ಪರ್ಧೆಗಳನ್ನು ಒಳಗೊಂಡಂತೆ ಅತಿ ಹೆಚ್ಚು ಸ್ಪರ್ಧಿಗಳು ಭಾಗವಹಿಸುತ್ತಾರೋ ಅಂತಹ ಮತದಾರ ಸಾಕ್ಷರತಾ ಸಂಘ (ELC)ಗಳಿಗೆ 1ನೇ, 2ನೇ ಮತ್ತು 3ನೇ ಬಹುಮಾನ ನೀಡಲಾಗುವುದು ಮತ್ತು ಪ್ರಮಾಣ ಪತ್ರ ನೀಡಲಾಗುವುದು.
           ಸ್ಪರ್ಧೆಗಳಲ್ಲಿ ಭಾಗವಹಿಸುವವರು ಸ್ಪರ್ಧೆಯ ವೆಬ್‍ಸೈಟ್ https://ecisveep.nic.in/contest/ ನಲ್ಲಿ ವಿವರವಾದ ಮಾರ್ಗಸೂಚಿಗಳು, ನಿಯಮಗಳು ಮತ್ತು ಷರತ್ತುಗಳನ್ನು ಓದಿಕೊಂಡು ಅಗತ್ಯ ವಿವರಗಳೊಂದಿಗೆ ನಮೂದುಗಳನ್ನು ಮತದಾರರ- ಸ್ಪರ್ಧೆ-eಛಿi.gov.iಟಿ ಗೆ ಇಮೇಲ್ ಮಾಡಬೇಕು. ಹಾಗೂ ಅರ್ಜಿ ಸಲ್ಲಿಸುವ <ಸ್ಪರ್ಧೆಯ> ಮತ್ತು <ವರ್ಗ> ಹೆಸರನ್ನು ಇಮೇಲ್‍ನ ವಿಷಯದಲ್ಲಿ ಸ್ಪಷ್ಟವಾಗಿ ನಮೂದಿಸಬೇಕು. ರಸಪ್ರಶ್ನೆ ಸ್ಪರ್ಧೆಯಲ್ಲಿ ಭಾಗವಹಿಸುವವರು ಸ್ಪರ್ಧೆಯ ವೆಬ್‍ಸೈಟ್‍ನಲ್ಲಿ ನೋಂದಾಯಿಸಿಕೊಳ್ಳಬೇಕು. ಎಲ್ಲಾ ನಮೂದುಗಳನ್ನು ಹಾಗೂ ಭಾಗವಹಿಸುವವರ ವಿವರಗಳನ್ನು ಮಾರ್ಚ್ 15 ರೊಳಗೆ voter- contest@eci.gov.in ಐಡಿಯಲ್ಲಿ ಸಲ್ಲಿಸಬೇಕು.   

ಹಾಗೂ ನೀಡಲಾದ ಕ್ಯುಆರ್ ಕೋಡ್ ಸ್ಕ್ಯಾನ್ ಮಾಡಿ ಸಹ ಸ್ಪರ್ಧೆಯಲ್ಲಿ ಭಾಗವಹಿಸಬಹದು ಎಂದು ಜಿ.ಪಂ ಸಿಇಓ ಎಂ.ಎಲ್.ವೈಶಾಲಿ ತಿಳಿಸಿದ್ದಾರೆ.